"Бавария" спорт директори Макс Эберль "Реал"га қарши (1:2) Чемпионлар лигаси нимчорак финал жавоб ўйинидаги ҳакамлик ҳақида фикр билдирди.
“Менда умуман гапирадиган ҳеч нарса йўқ. Мен тушунтира оладиган вазият эмас. ВАР қанча вақтдан бери мавжуд? Ушбу офсайд қоидаси остида қанча вақтдан бери ўйнаймиз? Мен учун буларнинг барчаси жуда шубҳали. Ҳакам ҳуштаги чалди ва ҳеч қандай видеоассистент аралаша олмади. Кейинроқ у бизга хатосини тан олганини айтди. Аммо бу энди умуман фойдасиз. Ҳамма Чемпионлар Лигаси финалида немис дербисини кўришни хоҳларди, польшалик ҳакамлар жамоасидан ташқари ҳамма. Табиийки, мен финалда "Боруссия"ни қўллаб-қувватлайман", - дея Эберль сўзларини келтиради Sky Sports.
Қўшиб берилган дақиқаларда мюнхенликлар ҳимоячиси Маттейс Де Лигт тўпни мадридликлар дарвозасига киритганди, аммо бу ҳакамнинг ҳуштагидан кейин содир бўлди.
Аввалроқ, собиқ ФИФА рефериси, Чемпионлар лигаси таҳлилчиси Кристина Ункел учрашув якунида ҳакамлар иккита хатога йўл қўйганини айтганди.
