"Bavariya" sport direktori Maks Eberl "Real"ga qarshi (1:2) Chempionlar ligasi nimchorak final javob o‘yinidagi hakamlik haqida fikr bildirdi.
“Menda umuman gapiradigan hech narsa yo‘q. Men tushuntira oladigan vaziyat emas. VAR qancha vaqtdan beri mavjud? Ushbu ofsayd qoidasi ostida qancha vaqtdan beri o‘ynaymiz? Men uchun bularning barchasi juda shubhali. Hakam hushtagi chaldi va hech qanday videoassistent aralasha olmadi. Keyinroq u bizga xatosini tan olganini aytdi. Ammo bu endi umuman foydasiz. Hamma Chempionlar Ligasi finalida nemis derbisini ko‘rishni xohlardi, polshalik hakamlar jamoasidan tashqari hamma. Tabiiyki, men finalda "Borussiya"ni qo‘llab-quvvatlayman", - deya Eberl so‘zlarini keltiradi Sky Sports.
Qo‘shib berilgan daqiqalarda myunxenliklar himoyachisi Matteys De Ligt to‘pni madridliklar darvozasiga kiritgandi, ammo bu hakamning hushtagidan keyin sodir bo‘ldi.
Avvalroq, sobiq FIFA referisi, Chempionlar ligasi tahlilchisi Kristina Unkel uchrashuv yakunida hakamlar ikkita xatoga yo‘l qo‘yganini aytgandi.
