Симоне Индзаги “Интер” бош мураббийи сифатида яхши ишламоқда. Ўтган мавсумда жамоа Чемпионлар лигаси финалига чиқди, бу мавсумда эса муддатидан аввал Италия чемпионлигини қўлга киритди.
La Gazzetta dello Sport нашри хабарига кўра, Индзаги билан шартномани 2027 йилнинг ўрталарига қадар узайтириш яқин келажакда эълон қилинади. Мутахассиснинг маоши йилига 6 миллион еврогача ошади. Бонус тўловлари эвазига мураббий бир мавсумда 6,5 миллион ишлаб олиши мумкин бўлади.
“Интер” Италия чемпионатидаги навбатдаги ўйинини 10 май, жума куни “Фрозиноне”жамоасига қарши ўтказади.
