"Тоттенхэм"нинг ўнг қанот ҳимоячиси Эмерсон Роялга "Милан" қизиқиш билдирмоқда.

"Россонерилар" ҳимоянинг ўнг қанотини кучайтириб берадиган футболчиларни қидирмоқда ва айнан бразилиялик улар томонидан устувор вариант сифатида белгиланган, деб хабар беради журналист Лука Бянчин. Яқинда А Серия клуби 25 ёшли футболчининг агенти билан музокара ўтказди. "Тоттенхэм" бу сотувдан 30 миллион евро ишлаб олмоқчи.

Эмерсон Роял жорий мавсумда “шпорлар” сафида барча турнирларда 23 та ўйин ўтказиб, битта гол урган. Transfermarkt портали экспертлари фикрича, футболчининг трансфер қиймати 18 миллион еврони ташкил этади ва унинг амалдаги шартномаси 2026 йилгача мўлжалланган.