"Tottenxem"ning o‘ng qanot himoyachisi Emerson Royalga "Milan" qiziqish bildirmoqda.
"Rossonerilar" himoyaning o‘ng qanotini kuchaytirib beradigan futbolchilarni qidirmoqda va aynan braziliyalik ular tomonidan ustuvor variant sifatida belgilangan, deb xabar beradi jurnalist Luka Byanchin. Yaqinda A Seriya klubi 25 yoshli futbolchining agenti bilan muzokara o‘tkazdi. "Tottenxem" bu sotuvdan 30 million yevro ishlab olmoqchi.
Emerson Royal joriy mavsumda “shporlar” safida barcha turnirlarda 23 ta o‘yin o‘tkazib, bitta gol urgan. Transfermarkt portali ekspertlari fikricha, futbolchining transfer qiymati 18 million yevroni tashkil etadi va uning amaldagi shartnomasi 2026 yilgacha mo‘ljallangan.
