Инсайдер Фабрицио Романо ҳужумчи Виктор Осимхеннинг "Наполи"дан "Челси"га ўтиши мумкинлиги ҳақидаги фикри билан ўртоқлашди.
Лондонликлар 25 ёшли футболчига асосий даъвогарлардан бири саналади, унинг нархи юқорилиги трансферга халақит бериши мумкин. Романо ўзининг подкастида айтганидек, "Челси" ҳужумчи учун ақлдан озган даражада катта пул сарфламоқчи эмас. Нигерияликни сотиб олиш 120-130 миллион еврога тушиши мумкин, шунингдек, футболчидан катта маош ва катта комиссия тўловлари талаб қилинади.
Виктор Осимхен жорий мавсум “Наполи” сафида 30 та ўйинда майдонга тушиб, 17 та гол ва 4 та голли узатмани амалга оширди.
