Испания терма жамоасининг машҳур собиқ дарвозабони Сантьяго Канисарес Чемпионлар лигаси финалида Дортмунднинг "Боруссия"си билан ўйинда "Реал" дарвозасини ким қўриқлаши ҳақида ўз фикрлари билан ўртоқлашди.
"Эҳтимол, Тибо Куртуа таркибда бўлади. Қарорни Карло Анчелотти ҳал қилади, у бельгиялик билан гаплашишга вақт топади, шунда у оптимал формага киради.
Лунин мавсумни ажойиб ўтказмоқда, аммо унинг рақиби дунёдаги энг яхшиларидан бири. Мураббийлар штаби Тибога тўлиқ ишонади.
Ўйлайманки, у "Боруссия"га қарши ўйнайди", - деди Сантьяго.
