Франция президенти "Реал"дан Килиан Мбаппени Олимпиадага қўйиб юборишини истамоқда.
Эммануэль Макрон Мадрид клуби Франсия терма жамоасининг 25 ёшли форвардига Париждаги Олимпиада турнирида иштирок этишига рухсат беришини кутмоқда.
“Умид қиламанки, “Реал Мадрид” Килианни Олимпиадага қўйиб юборади, шунда у келиб, Франция терма жамоаси таркибида ўйнай олади”, деди Макрон бугун интернет фойдаланувчилари саволларига жавоб берар экан.
Аввалроқ Мбаппе янги жамоа номини айтмаган ҳолда "ПСЖ"дан кетишини эълон қилганди.
"Менда (Мбаппенинг эълони ҳақида) алоҳида изоҳлар йўқ", деди Франция президенти.
