Ярим ҳимоячи Лука Модрич 2023/2024 йилги мавсум якунида "Реал"ни тарк этади. Бу ҳақда машҳур журналист Рамон Альварес де Монт ижтимоий тармоқларда хабар бермоқда.
Модрич "Тоттенхэм"дан ўтганидан сўнг 2012 йилнинг ёзи охиридан бери "Реал"да ўйнамоқда. Ўшандан бери хорватиялик футболчи 530 та расмий ўйин ўтказиб, 39 та гол ва 85 та голли узатмани амалга оширган.
Айтиш жоизки, жорий мавсумда 38 ёшли Модрич камроқ ўйин ўтказа бошлади.
Афтидан, Лука Модричнинг “Реал”даги сўнгги ўйини Чемпионлар лигаси финалида Дортмунднинг “Боруссия”сига қарши ўйин бўлади. Учрашув 1 июнь, шанба куни бўлиб ўтади.
