"Манчестер Юнайтед" бош мураббийи Эрик тен Хаг "Арсенал"дан учралган мағлубиятдан сўнг (0:1) ҳимоядаги кадрлар муаммоси ҳақида гапирди.
“Биз бутун мавсум давомида бу ҳақда гаплашдик. Очиғи, мунтазам бирга ўйнайдиган ҳимоячилар таркибда бўлгани маъқул. Бизга у ёки бу позицияда ўйнашга ишончи баланд футболчилар керак. Бизда баъзилар ўзи кўникмаган позицияларда ўйнашга мажбур. Натижада хатоларга йўл қўйилади. Юқори даражадаги клубларга қарши сиз хатолар учун жазоланасиз. Биз шу нарсага дуч келяпмиз”, деди Тен Хаг.
"Манчестер Юнайтед" Англия чемпионатидаги навбатдаги ўйинини 15 май куни "Ньюкасл"га қарши ўтказади.
