"Реал Мадрид" бош мураббийи Карло Анчелотти бу мавсумда уни энг кўп ҳайратга солган уч ўйинчиси номини айтди.
“Бу мавсумда қайси футболчилар мени ҳайратда қолдира олишди? Мен илгари билмаганларимни номлайман. Булар Браим Диас, Фран Гарсия ва Хоселу”, - деди Анчелотти матбуот анжуманида.
Диас, Гарсия ва Хоселу бу мавсумгача ҳам "Реал"да ўйнаган эди. Браим олдинги уч мавсумни “Милан”да ижарада ўтказган, бироқ 2019 йилдан бери “Лос Бланкос” футболчиси саналади.
Фран 2021 йилдан бери "Раё Валекано"да ўйнамоқда эди, аммо "Реал" уни ўтган ёзда қайтариб сотиб олди. Хоселуга келадиган бўлсак, испаниялик футболчи 2011/12 йилги мавсумда "Лос-Бланкос"да ўйнаган ва 11 йилдан сўнг жамоага қайтди.
