"Манчестер Юнайтед" ярим ҳимоячиси Бруну Фернандеш келаси ёзда инглиз грандини тарк этиши мумкин. Бу ҳақда The Sun таблоиди саҳифаларида хабар берилди.
Журналистларнинг ёзишича, португалиялик юлдуз клубини ўзгартириш ҳақида ўйламоқда. Фернандеш фаолиятини бошқа чемпионатда давом эттириши мумкин. Аввалроқ Брунуга Саудия Арабистони чемпионати клублари қизиқиш билдираётгани ҳақида хабар берилганди.
Португалиялик футболчи “қизил иблислар” сафида 2020 йилдан буён ўйнаб келмоқда. Жорий мавсумда Бруну 45 учрашувда иштирок этиб, 15 гол ва 11 голга ассистентлик қилди. Томонлар ўртасидаги шартнома 2026 йилнинг ёзида якунига етади.
