Украинанинг «Шахтёр» клуби яримҳимоячиси Генрих Мхитарян ёзда фаолиятини Англия премьер-лигасида давом эттириши мумкин. Бу ҳақда «Известия» нашри хабар тарқатди.
Манбанинг маълум қилишича, арманистонлик футболчига Англиянинг «Тоттенҳэм» клуби қизиқиш билдирмоқда. «Шпорлар» Украина клуби билан футболчини сотиб олиш борасида дастлабки музокараларни ўтказиб бўлишган.
Эслатиб ўтамиз, Мхитаряннинг «Шахтёр» билан амалдаги шартномаси 2015 йилнинг ёзига қадар давом этиши лозим. Футболчининг трансфер нархи 17 миллион еврога баҳоланмоқда.