Испания Ла Лигаси ўзининг расмий сайтида мавсум якунида тақдирлаш маросимини эълон қилди. Агар 2023/2024 йилги мавсумнинг энг яхши футболчиси учун бериладиган соврин ҳақида гапирадиган бўлсак, унга ўн нафар футболчи даъвогарлик қилмоқда.

Номзодлар орасида Жуд Беллингем («Реал»), Такефуса Кубо («Реал Сосьедад»), Антуан Гризманн («Атлетико»), Артём Довбик («Жирона»), Кириан Родригес («Лас-Пальмас»), Роберт Левандовски («Барселона»), Винисиус Жуниор («Реал»), Иско («Бетис»), Алеиш Гарсия («Жирона») ва Александр Сёрлот («Вильярреал»).

Мукофот ўз эгасини 28 май, сешанба куни топади. "Реал Мадрид" чемпион бўлганидан сўнг Винисиус ва Беллингемни бу курашда фаворит деб ҳисоблаш мумкин.