"Интер Майами" бош мураббийи Херардо Мартино аргентиналик ҳужумчи Лионель Мессининг қачон майдонга қайтиши ҳақида гапирди.
"Биз Леони шанба куни майдонга туширмоқчимиз. Аммо биз буни босқичма-босқич амалга оширамиз. Месси чоршанба куни машғулот ўтказди ва ўзини яхши ҳис қилди. Бироқ, таваккал қилмасликка қарор қилинди. Кўрамиз, у жума куни қандай ҳолатда бўлади", - деди Мартино Goal.com билан суҳбатда.
Эслатиб ўтамиз, кеча "Интер Майами" "Орландо" билан голсиз дуранг қайд этганди. МЛСнинг жорий мавсумида Месси тўққизта ўйин ўтказиб, ўнта гол ва тўққизта голли узатмани амалга оширди.
