"Манчестер Юнайтед"нинг собиқ ҳужумчиси Уэйн Руни клуб ҳужумчиси Маркус Рэшфорднинг келажаги ҳақида ўз фикрлари билан ўртоқлашди.
“У юқори савияда ўйнашга қодир. Аммо Маркуснинг ўзи бошқа жойга кўчиб ўтиш вақти келмадими? Билмайман. Менимча, у бу саволни ўзига бериши керак. Мен унинг бу клубда қолиб, рекордлар янгилашини истайман", - дея собиқ футболчининг сўзларини келтиради ESPN.
Рэшфорд "қизил иблислар" академияси тарбияланувчиси ҳисобланади. Жорий мавсумда у инглиз жамоаси сафида барча мусобақаларда 41 марта майдонга тушиб, саккизта гол урди ва бешта голли узатмани амалга оширди. Футболчининг клуб билан тузган меҳнат шартномаси 2028 йилнинг ёз ўрталарига қадар тузилган.
