Ральф Рангник Давид Алабани Евро-2024 учун Австрия терма жамоаси қароргоҳига чақирди.
Декабрь ойида Мадриднинг «Реал» клуби ҳимоячиси Ла Лига доирасида «Вильярреал»га қарши ўйинда чап тиззасининг олдинги хоч боғламини йиртиб олган ва кейин операция қилинган эди. Футболчи ёзда Европа чемпионатида ўйнаш учун тикланишга улгурмайди.
"Relevo" хабарига кўра, Австрия терма жамоаси бош мураббийи Ральф Рангник Алабани Евро-2024 вақтида жамоа қароргоҳига таклиф қилган. Алаба терма жамоа сардори ва унинг жамоа учун аҳамияти «Реал»дагидан ҳам каттароқ, деб ёзади манба.
Алаба жуда хурсанд ва таклиф учун Рангникдан миннатдор. У, эҳтимол, Австрия терма жамоаси мураббийлар штабида ёки Австрия делегациясининг таркибида Евро-2024'да иштирок этиши мумкин.