Винисиус йилдан йилга ўз натижаларини янгилашдан чарчамаяпти. У аллақачон Мадриддаги энг сермаҳсул мавсуми кўрсаткичлари билан тенглашди, Ла Лиганинг сўнгги ўйинида "Алавес"га қарши ўйинда дубл қайд этди.

Жорий мавсумда бразилиялик 23 та гол урди. Бу унинг ўтган йили ўрнатган энг яхши натижасидир. Аммо ўшанда унга 55 та ўйин керак бўлган бўлса, энди Вини буни 37 та ўйинда такрорлади.

Винисиуснинг 23 та голи қуйидагича тақсимланган: 15 таси Ла Лигада, 5 таси Чемпионлар лигасида ва 3 таси Испания Суперкубогида. Бундан ташқари, Вини 7 та голли узатмани амалга оширди.