"Манчестер Сити" бош мураббийи Пеп Гвардиола АПЛнинг 38-туридан ўрин олган "Вест Хэм"га қарши ўйиндан нималар кутаётганини, бу эса чемпионлик тақдирини ҳал қилишини тушунтириб берди. Учрашув 19 май куни бўлиб ўтади.
"Менда бу учрашув 2022 йилги "Астон Вилла"га қарши ўйин билан бир хил бўлишини ҳис қиляпман. Бироқ, биз барчасига тайёрмиз. Менинг футболчиларим ҳеч қачон таслим бўлмайди", - дея мураббийнинг сўзларидан иқтибос келтиради журналист Фабрицио Романо.
2021/22 йилги мавсум 38-тур учрашувида “Манчестер Сити” “Астон Вилла” билан ўйинда 0:2 ҳисобини ўйиннинг сўнги 20 дақиқасида 3:2 га ўзгартириб, чемпион бўлганди.
37-турдан кейин “Манчестер Сити” 88 очко билан АПЛ турнир жадвалида пешқадамлик қилмоқда. Иккинчи ўриндаги "Арсенал"нинг фарқи 2 очко.
