Украиналик дарвозабони Андрей Лунин "Реал" бош мураббийи Карло Анчелоттига Тибо Куртуанинг Чемпионлар лигаси финалида асосий таркибда майдонга тушишига қандай муносабатда бўлишини айтди.
Хабарга кўра, Лунин мадридликлар устозига Куртуанинг мавсумнинг асосий ўйинида майдонга тушиши у учун муаммо бўлмаслигини ва бу унинг "Реал" билан янги шартнома имзолаш қарорига таъсир қилмаслигини айтган.
Аввалроқ, Лунин испан гиганти билан шартномани 2029 йилнинг ёзига қадар узайтириши ҳақида маълумот пайдо бўлганди.
Манбанинг таъкидлашича, "Реал Мадрид"нинг кийиниш хонасида тўлиқ уйғунлик мавжуд, уни бундан ҳам яхшироқ қилиб бўлмайди ва бу Карло Анчелоттининг хизматлари.
Эслатиб ўтамиз, Мадриднинг “Реал” клуби Чемпионлар лигаси финалида Дортмунднинг “Боруссия” жамоаси билан ўйнайди. Учрашув 1 июн куни бўлиб ўтади.
