"Бавария" бош мураббийи Томас Тухель Мюнхен клубининг 2023/2024 йилги мавсумдаги ўйинига баҳо берди.
"Агар мавсумни бир жумла билан таҳлил қиладиган бўлсангиз, "Бавария" билан унвонсиз мавсумни қониқарсиз деб айта оласиз. Шубҳасиз, биз Германия кубогидаги ўйиндан жуда хафа бўлдик ва бунинг учун тўлиқ жавобгарликни ўз зиммамизга оламиз.
Биз Бундеслигада иккинчи ўринни эгаллаб турибмиз ва бу ўрин учун курашамиз. Бизнинг очколаримиз охирги 11 мавсумнинг 9 тасида чемпионликни қўлга киритиш учун етарли бўларди. Мавсум давомида жароҳатлар борасида ҳам жиддий муаммоларга дуч келдик. "Баер" бутун мавсумда мағлуб бўлишни истамади. Ҳозирги шароитда тўпланган очколар билан ҳаммаси жойида.
Чемпионлар лигаси мавсуми Мадридда 87-дақиқагача мукаммал ўтди. Мавсумга бошқача қарашга арзийди. Биз ҳеч қачон ўз мажбуриятларимиздан воз кечмаймиз. Аммо биз бу 15 ойни бошимизни баланд кўтарган ҳолда тарк этишга ҳақлимиз", - дея Тухелнинг сўзларини келтиради "Бавария" расмий сайти.
