"Реал Мадрид" президенти Флорентино Перес 38 ёшли марказий ярим ҳимоячи Лука Модрич билан футболчининг клубдаги келажаги борасида музокара ўтказди. Бу ҳақда AS хабар бермоқда.
Манбага кўра, Мадрид клуби хўжайини Модричнинг "Реал Мадрид"даги профессионал фаолиятини якунлаш истагини қўллаб-қувватлаган, бу ҳақда хорватиялик футболчи маълум қилган. Таъкидланишича, Перес хорватияликнинг клуб афсонаси сифатидаги мақомини жуда яхши тушунади.
Аввалроқ, ОАВда ярим ҳимоячи Мадрид клуби билан шартномасини 2025 йилгача узайтиришга яқин экани ҳақида маълумотлар пайдо бўлганди.