«Штутгарт» сўнгги турда Мёнхенгладбахнинг «Боруссия» клубини 4:0 ҳисобида мағлуб этиб, Бундеслигада мавсумни яхши кайфиятда якунлади. Ушбу ўйиндаги дастлабки иккита голни Серу Гирасси киритди ва бу билан у Бундеслига рекордини такрорлади.

Гап шундаки, жорий мавсумда ҳужумчи ўн иккинчи бор ўйиндаги биринчи голни урди.

Германия чемпионатининг бутун тарихида бу ҳолат фақат уч марта содир бўлган - 1969/1970 йилги мавсумда Герд Мюллер, кейин 2003/2004 йилги мавсумда Айлтон ва ниҳоят, 2012/2013 йилги мавсумда Стефан Кислинг.

Уларнинг барчаси мавсум давомида 12 марта учрашувдаги биринчи голни киритишган.