Испания чемпионатида “Валенсия” сафида тўп тепаётган грузиялик дарвозабон Гиорги Мамардашвилида фаолиятини “Туманли Албион”да давом эттириш имконияти бор.
Todofichajes портали журналистларига маълум бўлишича, "Ньюкасл" дарвозабон билан шартнома имзоламоқчи.
Мамардашвилининг трансфери учун "қарғалар" тахминан 35 миллион евро тўлашга тайёр. Инглиз клуби футболчига маошини оширган ҳолда тўрт йиллик фойдали шартнома таклиф қилади.
Испания чемпионатининг жорий мавсумида дарвозабон “кўршапалаклар” сафида 35 та ўйин ўтказиб, 36 та гол ўтказиб юборган. 14 учрашувда грузиялик дарвозабон ўз дарвозаси дахлсизлигини сақлаб қолган.
