Дидье Дрогба 35 ёшда бўлишига қарамай, у ҳамон Дрогба. «Галатасарой» таркибида ҳаракат қилаётган футболчи чемпионлар лигасидаги катта учрашувларнинг ҳавосини олганлигидан хабарингиз бор.

Лекин нимагадир Фотиҳ Терим унинг ёши катталигидан ва ёшларга қаршилик қила олмаслигидан ҳайиқмоқда. Чамаси у қуйида номлари тилга олинадиган буюк жамоаларга қарши Дрогба қандай ҳаракат қилганини билмайди.

У чемпионлар лигаси учрашувларида Испания майдонларида тўртта гол киритган. «Челси»да Жозе Моуриньо қўл остида ҳаракат қилган вақтида Дрогба 2006/2007 йилги мавсум чемпионлар лигасида «Барселона» дарвозасига «Камп Ноу»да гол киритган эди.

Бир йил ўтиб унинг голидан «Валенсия» учун хизмат қилувчи «Месталья» стадиони тўрлари титраган эди ва «Челси»нинг 2:1 ҳисобидаги ғалабасига ўз ҳиссасини қўшган эди.

Кейинги йил Дрогба «Висенте Калдерон» стадионида «Атлетико» дарвозасига ҳам чемпионлар лигаси учрашувида гол киритди.

Энди узоқ 2003 йилга саёҳат қилсак. «Марсель» таркибида ҳаракат илган вақтида Дрогбанинг голидан «Реал» дарвозаси ҳам қуруқ қолмаган эди. Ўша учрашувда 23 ёшли ҳужумчининг голи жамоасига фойда қилмаган бўлса ҳам Мадридликларнинг уни эслаб қолишлари учун етарли бўлган.

Мана кўриб турганингиздай Дрогба Испания жамоаларига гол уришни яхши кўради. Буни Мадридликлари билишармикан?