“Ливерпуль” якшанба куни “бўрилар” устидан 2:0 ҳисобида ғалаба қозониб, Юрген Клопп даврини юқори нотада якунлади. Виржиль ван Дейк ўйиндан сўнг эмоционал интервю берди.
"Менда сўз йўқ, бу жуда ҳиссий кун. "Ливерпуль" - бу "Ливерпуль", бу ўзига хос нарса. Бу ҳар доим ҳамма учун оғир кун бўлган, биз ғалаба қозонишни, ўз ишимизни қилишни хоҳлардик ва энди ўйиндан кейин жуда ҳиссиётли бўлишимиз мумкин ва шундай бўламиз.
Бу жуда қийин эди, лекин биз буни уддаладик ва мен бундан фахрланаман. Бундай вазиятларга, дақиқаларга тайёргарлик кўришнинг иложи йўқ.
Клопп билан хайрлашиш қийин бўлди. Аммо ҳаёт давом этмоқда", деди ҳимоячи.
