«Янг Бойз» 17 марта Швейцария чемпионига айланди.
Берн клуби Швейцария чемпионатининг 37-тури доирасидаги ўйинда «Серветт»ни сафарда 1:0 ҳисобида мағлуб этди.
Шу тариқа, «Янг Бойз» 37 учрашувда 74 очко жамғариб, рақиблари билан фарқни етиб бўлмас даражага оширди.
Клуб ўз тарихида 17 марта мамлакат чемпионига айланди. 2018 йилдан бери «Янг Бойз» Швейцариянинг сўнгги 7 чемпионатидан 6 тасида ғалаба қозонган ("Цюрих" 2022 йилда чемпионликни қўлга киритган).