Ярим ҳимоячи Лука Модричнинг келажаги баҳс мавзуси бўлиб қолмоқда. Нуфузли инсайдер Фабрицио Романо ижтимоий тармоқларда 38 ёшли футболчи бошқа таклифларни рад этишга қарор қилгандан сўнг, "Реал" ва Модрич ҳамкорликни давом эттиришни режалаштираётгани ҳақида ёзди. Модрич ва "Реал Мадрид" яна бир учрашув ўтказишади, унда маошлар ва янги шартноманинг бошқа тафсилотлари муҳокама қилинади. Шу билан бирга, хорватияликни пул қизиқтирмайди – у фаолиятини фақат “Реал” таркибида давом эттирмоқчи.
Лука Модрич 2012 йилнинг август ойидан буён "Реал"да ўйнамоқда.
Эслатиб ўтамиз, Модрич Хорватия терма жамоасининг 2024 йилги Европа чемпионати учун қайдномасига киритилган эди.
