"Ливерпуль" ҳужумчиси Муҳаммад Салоҳ совринларнинг аҳамияти ҳақида гапирди ва шунингдек, келаси мавсумда жамоа ўз мухлисларини турнирлардаги ғалабалар билан хурсанд қилиш учун бор имкониятларини ишга солишини айтди.
“Биз кубоклар муҳимлигини биламиз ва келаси мавсумда шундай бўлиши учун қўлимиздан келганини қиламиз. Мухлисларимиз бунга лойиқ ва биз бор кучимиз билан курашамиз”, — деб ёзди Салоҳ Х (собиқ Twitter) ижтимоий тармоғидаги саҳифасида.
Эслатиб ўтамиз, "Ливерпуль" 2023/2024 йилги мавсумни Англия Премьер-лигаси турнир жадвалида учинчи ўринда якунлаганди.
