Ярим ҳимоячи Тони Крооснинг "Реал" сафидаги сўнгги ўйини Дортмунднинг "Боруссия"сига қарши 2023/2024 йилги Чемпионлар лигаси финали бўлади.
Кроос 2024-йилги Европа чемпионатидан сўнг фаолиятини якунлаши аввалроқ маълум бўлганди. Немис футболчиси “Лос-Бланкос”да 2014 йилдан буён ўйнайди. Бу даврда у барча мусобақаларда 463 та учрашувда қатнашган (28 гол ва 98 голли узатма). Аввалроқ футболчи "Бавария" ва "Байер"да ҳам ўйнаган.
34 ёшли Кроос жорий мавсумда барча турнирларда 45 та ўйинда майдонга тушиб, 1 та гол ва 8 та голли узатмага муаллифлик қилган.
"Реал" ва Дортмунд ўртасидаги Чемпионлар лигаси финали 1 июн куни бўлиб ўтади.
