Жаҳон чемпионатидан унга йўлланма олиш учун ўтадиган саралаш баҳслари қизиқарлироқ ўтади десак адашмаган бўламиз. Ўтган ҳафта давомида бутун дунёнинг диққати айнан мундиал учун ўтказилган саралаш учрашувларида бўлди.

Мухлислар кутган фаворит жамоаларнинг кўпчилиги кутилган ғалабаларни қўлга киритишди. Лекин Португалия терма жамоаси Исроил билан дуранг ўйнаб кўпчиликнинг ҳайратига сабаб бўлди. Бу билан Паулу Бенту шогирдлари ўзларининг жаҳон чемпионатига чиқиш имкониятларини кескин пасайтириб юборишди. Уларнинг гуруҳида Россия терма жамаоаси яққол устунлик қилмоқда.

Португалия Россиядан тўрт очко ортда қолмоқда ва етмаганига Россияда яна битта қолдирлиган ўйин бор (Шимолий Ирландияга қраши).

Ўз ўзидан барча Криштиану Роналдунинг жаҳон чемпионатига бора олмаслигидан чўчимоқда, чунки бундай футболчисиз мусобақа зерикарли бўлиб қолади. Таниқли рассом Омар Момани бу ҳолатга ўз муносабатини билдирди ва қуйидаги «Роналдуга жаҳон чемпионатига чиқиши учун ёрдамчи қўллар керак» номли карикатурани мухлислар эътиборига ҳавола қилди. Сиз ҳам ўзингиз баҳо беринг.