Исроилнинг “Димона” клуби 20 май куни бўлиб ўтган Исроил Иккинчи лигасига чиқиш учун биринчи босқич плей-офф ўйинида “Шимшон”ни мағлуб этди (2:2, 23:22 пен).
Ушбу учрашувда жамоалар пенальтилар серияси бўйича жаҳон рекордини янгилади. Бу ҳақда Гиннеснинг рекордлар китоби хабар бермоқда.
Манбага кўра, икки жамоа дарвоза томон умумий 56 та зарба йўллаган, бу мутлақ рекорддир. Аввалги энг узун пенальтилар серияси 2005 йилда бўлиб ўтган, ўшанда “Палас” Намибия кубоги финалида “Cивиcс”ни мағлуб этган (2:2, 17:16 пенальти). Ўшанда жамоалар пенальтидан 48 та зарба беришган.