Яқинда "Реал"га қарши ўйинда (4:4) 4 та гол урган "Вильярреал" ҳужумчиси Александр Сёрлотга трансфер бозорида талаб катта.

"Сариқ сув ости кемаси" раҳбарияти футболчини сотиш бўйича таклифларни кўриб чиқишга тайёр. Испания клуби ҳужумчини сотишдан 40 миллион евро ишлаб олишни кутмоқда. Норвегиялик форвардга Мадриднинг “Атлетико” клуби қизиқиш билдирмоқда.

Олдинроқ Каталониянинг "Барселона" клуби Сёрлотга қизиқиш билдираётгани ҳақида маълумотлар пайдо бўлганди. Ла Лиганинг жорий мавсумида 28 ёшли ҳужумчи 33 та ўйин ўтказиб, 23 та гол ва 6 та голли узатмани амалга оширди.