"Лутон" бош мураббийи Роб Эдвардс Маурисио Почеттинонинг "Челси" бош мураббийлигидан кетиши ҳақидаги хабардан ҳайратда қолганини тан олди.
“Тўғрисини айтсам, ҳайратдаман. Улар мавсумни кучли якунлашди. Почеттино ажойиб мураббий. Албатта, мен бу хабарни ўқиб, ҳайратда қолдим. Бироқ, замонавий футболда ҳеч нарса ажабланарли бўлмаслиги керак. Айниқса, энг юқори савиядаги жамоалар ҳақида гап кетганда”, деди Эдвардс матбуот анжуманида.
Почеттино "Челси" билан АПЛда олтинчи ўринни эгаллаган, шунингдек, жамоани Лига кубоги финали ва Англия кубоги ярим финалига олиб чиққанди.
