Лондоннинг "Челси" клуби собиқ сардори Жон Терри клуб бош мураббийи Маурисио Почеттино билан хайрлашгани ҳақидаги хабарга изоҳ берди.
Аргентиналик мутахассис ўзининг ягона мавсумида клуб билан олтинчи ўринни эгаллади, бу эса “кўклар”га кейинги Европа лигасида қатнашиш имконини бериши мумкин эди. Бунинг учун “Манчестер Сити” Англия кубоги финалида “Манчестер Юнайтед”ни мағлуб этиши керак.
"Маурисио Почеттино ва унинг мураббийлар штаби кетишидан ҳафсаламиз пир бўлди. Умид қиламанки, раҳбарият янги мураббий келгунига қадар футболчиларни сотиб олмайди ёки сотмайди", — деб ёзди Терри ижтимоий тармоқларда.
Аввалроқ "Челси" ёш ва илғор мутахассис қидираётгани хабар қилинганди.
