"Манчестер Юнайтед"нинг собиқ футболчиси Гари Невилл Англия кубоги финали учун таркибни танлаш борасидаги фикрлари билан ўртоқлашди. “Қизил иблислар” 25 май куни “Манчестер Сити”га қарши кубок учун майдонга тушади.
Мураббий Эрик тен Хаг кўп сонли ўйинчи жароҳатлари туфайли таркибни танлаш бўйича бир қатор қийин қарорларни қабул қилиши керак бўлади.
"Ўйлайманки, Эванс ва Мартинес финалда ўйнайди. Мен тен Хаг бир вақтнинг ўзида Варан ва Мартинесни қўйиб юборишига шубҳа қиламан. Улар узоқ вақтдан бери ўйнашмади, бу катта хавф бўлади", деди Невилл.
Англия кубогида ғалаба қозонган тақдирда, "Манчестер Юнайтед" кейинги мавсумда Европа Лигаси йўлланмасини қўлга киритади.
