Мартин Киоун "Арсенал" Унаи Эмери туфайли Премьер-лига чемпионлигини қўлдан бой берганини айтди.
Испаниялик мутахассис бошчилигидаги “Астон Вилла” ўтган мавсумда “канонирлар”ни ҳар икки учрашувда ҳам мағлуб этганди. Биринчи даврада мезбонлар 1:0 ҳисобида ғалаба қозонган бўлса, иккинчи даврада меҳмонда 2:0 ҳисобида зафар қучди.
“Менимча, “Арсенал” аслида Унаи Эмери туфайли лигани ютолмади. У "Арсенал"дан олти очко олди.
Эмери сиртдан оққушга ўхшайди - жуда хотиржам ва собиқ жамоасини ҳурмат қилади, лекин ичида у ғалаба қозонишни жуда хоҳлайди ва у муваффақиятга эришди.
У "Арсенал"нинг Премьер-лигада ғалаба қозонишига тўсқинлик қилди, бу ўзига хос киноя", – деди Киоун.
