"Манчестер Юнайтед" бош мураббийи Эрик тен Хаг Англия терма жамоасининг Евро-2024 учун кенгайтирилган таркибига киритилмаган ҳужумчи Маркус Рэшфорднинг формаси ҳақида гапирди.
“У яхши. Карьерада кўтарилишлар ва пасайишлар бўлиши табиий ҳолат. Йиқилиш унга куч бериши мумкин ва мен машғулотларда у жуда мотивацион ҳолатда эканлигини кўраман. У ўйини билан жавоб беради, у яхши карьерага эга ва ишончим комилки, у буни енгиб, янада кўпроқ голлар уради", - дея Тен Хагнинг сўзларини келтиради Goal.
25 май, шанба куни “қизил иблислар” мавсумдаги сўнгги ўйинини ўтказади. "Манчестер Юнайтед" Англия кубоги финалида "Манчестер Сити"га қарши ўйнайди.
