Мадриднинг «Реал» клуби дарвозабони Кепа Аррисабалага келаси мавсумда фаолиятини қаерда давом эттиришини ҳали ҳал қилмаган. Эслатиб ўтамиз, испаниялик футболчи «қироллик клуби»да Лондоннинг «Челси» клубидан ижара асосида ўйнамоқда.
"Marca" хабарига кўра, «аристократлар» раҳбарияти ҳафтасига 160 минг евро атрофида маош оладиган Аррисабалагани режаларига киритмаган. Шу сабабдан испаниялик дарвозабон янги жамоа излашга мажбур бўлади.
Эслатиб ўтамиз, «Реал Мадрид» Аррисабалага доимий равишда харид қилмасликка қарор қилган. Сабаби Кепа мавсумни захирада бошлаган Андрей Лунинга асосий таркиб учун курашда имкониятни бой берган.
