Мадриднинг “Атлетико” клуби ҳужумчиси Алваро Моратани шу ёзда 12 миллион евро эвазига сотиб олиш мумкин бўлади. Айнан мана шу тўлов суммаси футболчининг шартномасида товон пули сифатида фаоллаштирилган.
Манба, шунингдек, Мората ёзда "Атлетико"ни тарк этиши мумкинлигини ҳам айтди, чунки клуб раҳбарияти ҳужумчи ўрнини бошқа ҳужумчи билан мустаҳкамлашга қарши эмас.
Испания чемпионатининг ушбу мавсумида Мората 15 та гол урди ва 2 та голли узатмани амалга оширди. Аввалроқ, ҳужумчи А Серияга қайтиши мумкинлиги ҳақида хабарлар тарқалганди.
