"Севилья" марказий ҳимоячиси Серхио Рамос Испания чемпионатида қолиши мумкин. 38 ёшли футболчи "Севилья" билан янги меҳнат шартномасини имзолашга яқин турибди.
Томонлар ўртасидаги амалдаги шартнома 2024 йилнинг июн ойи охирида тугайди. Серхио катта эҳтимол билан андалусияликлар билан янги бир йиллик шартнома имзолайди.
Рамос ўтган йилнинг сентябрь ойида "ПСЖ"дан эркин агент сифатида "Севилья"га ўтганди.
Испания чемпионатининг жорий мавсумида ҳимоячи 27та учрашувда иштирок этди. Серхио учта гол урди, еттита сариқ карточка олди ва бир марта майдондан четлатилди.