Дортмунднинг “Боруссия” клубининг тажрибали ҳимоячиси Матс Хуммельснинг келажаги ҳамон ноаниқлигича қолмоқда.
Германиялик футболчининг клуб билан шартномаси жорий мавсум охирида якунига етади ва томонлар ҳали янги шартнома имзолашмаган.
Bild нашри хабарига кўра, Италиянинг икки топ-клуби - "Милан" ва "Ювентус" Матсни қўлга киритишга қизиқмоқда.
Қайд этилишича, Италия Хуммельс учун жозибадор жой бўлар эди, чунки унинг ўғли ва собиқ рафиқаси ҳозирда Мюнхенда истиқомат қилади ва Милан ёки Туриндан Мюнхенгача бўлган масофа Дортмундга қараганда узоқ эмас.
