Жума куни "Барселона" Хавини бош мураббий лавозимидан четлатилганини эълон қилди.
Якшанба куни ёш мураббий "кўк-анорранглилар" бошқарувида сўнгги кунини ўтказади.
Айни пайтда Хави ижтимоий тармоқдаги пости орқали баёнот берди.
"Ҳурматли мухлислар, менинг “Барселона” бош мураббийи сифатидаги даврим якшанба куни тугайди.
Севимли клубимни тарк этиш ҳеч қачон осон бўлмайди, лекин мен учун иккинчи оиладек бўлган жамоани икки ярим йил бошқарганимдан сўнг буни катта ғурур билан бажараман", - деб ёзди Хави.
Хави ўз сўзини давом эттириб, мухлисларга қўллаб-қувватлаганликлари учун миннатдорчилик билдирди.
Мутахассис "Барселона"ни мухлис сифатида қўллаб-қувватлашини таъкидлаб, клубга яхши тилаклар билдирган.
