"Барселона" марказий ҳимоячиси Пау Кубарси ишдан бўшатилган Хави Эрнандесга миннатдорчилик билдирди. Мутахассис, жума куни маълум бўлганидек, Каталония гранди бош мураббийлигидан бўшатилди.
Айнан Хави қўл остида 17 ёшли Кубарси жорий мавсумда "блауграна"нинг асосий таркибига кирди.
“Жаноб, ҳаётим мазмуни бўлган клубда ўйнаш орзумни рўёбга чиқаришга рухсат берганингиз учун раҳмат. Мен сиздан доим миннатдорман. Келгусида барчангизга омад тилайман", - деди ёш футболчи.
Пау Кубарси "Барселона" асосий жамоаси сафида барча мусобақаларда 23 та ўйинда майдонга тушди.
