Жо Гомес 2023/24 йилги мавсумда "Ливерпул"да тўлиқ вақт ўйнаш унинг учун қанчалик муҳимлиги ҳақида гапирди.
“Бу мен учун жуда кўп нарсани англатади. Менинг ҳикоям ва бошидан кечирганларимни ҳамма билади. Энг муҳими, мен бу қийинчиликларни енгиб ўтишга ва ҳар ҳафта ўйнашга тайёр бўлишимни исботлашга ҳаракат қиламан, бу мен учун кичик муваффақият эмас.
Премьер-лига шафқатсиз. Бизнинг ўйин услубимиз, шиддат билан ўйнашимиз, бу юқори савия, биз шу нарса билан танилганмиз.
Бу мавсум менга ёқди, у ўзгача бўлди. Албатта, баъзида қийин бўлди, лекин бу ажойиб саёҳат эди", деди футболчи.
Ўтган мавсумда Гомес мерсисайдликлар сафида барча мусобақаларда 51 та ўйинда майдонга тушди.
