Бразилиянинг айрим штатларида йирик тошқинлар аҳолига катта зарар келтирди ва ҳозир бутун мамлакат жабрланганларга ёрдам беришга ҳаракат қилмоқда.
Бразилиялик жаҳон чемпионлари - Роналдиньо, Бебето ва Кафу ҳам ўз ҳиссаларини қўшишга тайёр.
Улар бугун, якшанба куни бўлиб ўтадиган хайрия ўйинида иштирок этиш учун бирлашишди, деб аниқлик киритди Record.
Учрашув афсонавий “Маракана” аренасида бўлиб ўтади, унда футбол супер юлдузлари билан бир қаторда, мамлакатнинг бошқа таниқли шахслари, хусусан, санъаткорлар ҳам иштирок этади.
Эслатиб ўтамиз, сув тошқини туфайли 240 дан ортиқ одам ҳалок бўлган ёки ҳозирда бедарак йўқолганлар рўйхатига киритилган, бу кўпинча “ўлик” деган маънони ҳам англатади.
