Килиан Мбаппе парижликлар билан хайрлашди ва янги жамоага ўтишини эълон қилмоқчи.
Форвард Франция кубоги финалида бўлиб ўтган парижликлар билан хайрлашув ўйинини ўтказди. Учрашув 2:1 ҳисобида Луис Энрике шогирдларининг ғалабаси билан якунланди.
Ўйин якунланганидан сўнг журналист Мбаппедан нега “Реал”га ўтаётганини тан олмаганини сўраган ва 25 ёшли франциялик футболчи шундай жавоб берган: "Чунки “ПСЖ” билан яхши хайрлашмоқчи эдим. Яқин кунларда янги жамоам номини айтаман", - дея юлдуз ҳужумчининг сўзларини келтиради Madrid Xtra.