"Манчестер Сити" бош мураббийи Пеп Гвардиола Англия кубоги финалида "Манчестер Юнайтед"га қарши ўйиндаги мағлубият (1:2) ҳақида фикр билдирди.

"Манчестер Юнайтед"ни Англия кубогини қўлга киритгани билан табриклайман. Ўйлайманки, ўйин режам муваффақиятсиз бўлди.

Иккинчи бўлим анча яхши ўтди. Биз шиддатлироқ эдик, йўқотадиган ҳеч нарсамиз йўқ эди.

Ўйин кескин ўтди. Биз биринчи голни ўтказиб юбордик, улар иккинчисида ҳимоядан ҳужумга яхши ўтишди, шунинг учун "Юнайтед"ни иккинчи гол билан табриклаймиз.

Афсуски, бироз кечикиб гол урдик. Балки ҳаммаси бошқача бўлиши мумкин эди, лекин биз мағлуб бўлаётганимизда жамоа доимо прессинг қилди.

"Юнайтед" ҳар доим қарши ҳужумларга таянадиган жамоа. Биринчи бўлимда кураш бўлди, аммо иккинчи бўлимда биз яхшироқ ўйнадик.

Умуман олганда, бу финал учун яхши ўйин. Мен хафаман, бу нормал ҳолат, жамоалар финалда мағлуб бўлишлари мумкин, аммо бу мавсум ажойиб бўлди.

Биз барча совринлар учун курашишимиз мумкин эди. Биз дам оламиз ва яна ҳам яхшироқ қайтамиз", – деди Гвардиола.