"Manchester Siti" bosh murabbiyi Pep Gvardiola Angliya kubogi finalida "Manchester Yunayted"ga qarshi o‘yindagi mag‘lubiyat (1:2) haqida fikr bildirdi.
"Manchester Yunayted"ni Angliya kubogini qo‘lga kiritgani bilan tabriklayman. O‘ylaymanki, o‘yin rejam muvaffaqiyatsiz bo‘ldi.
Ikkinchi bo‘lim ancha yaxshi o‘tdi. Biz shiddatliroq edik, yo‘qotadigan hech narsamiz yo‘q edi.
O‘yin keskin o‘tdi. Biz birinchi golni o‘tkazib yubordik, ular ikkinchisida himoyadan hujumga yaxshi o‘tishdi, shuning uchun "Yunayted"ni ikkinchi gol bilan tabriklaymiz.
Afsuski, biroz kechikib gol urdik. Balki hammasi boshqacha bo‘lishi mumkin edi, lekin biz mag‘lub bo‘layotganimizda jamoa doimo pressing qildi.
"Yunayted" har doim qarshi hujumlarga tayanadigan jamoa. Birinchi bo‘limda kurash bo‘ldi, ammo ikkinchi bo‘limda biz yaxshiroq o‘ynadik.
Umuman olganda, bu final uchun yaxshi o‘yin. Men xafaman, bu normal holat, jamoalar finalda mag‘lub bo‘lishlari mumkin, ammo bu mavsum ajoyib bo‘ldi.
Biz barcha sovrinlar uchun kurashishimiz mumkin edi. Biz dam olamiz va yana ham yaxshiroq qaytamiz", – dedi Gvardiola.
