"Бавария" клуби ва Германия терма жамоасининг собиқ бош мураббийи Ханс-Дитер Флик "Барселона"ни бошқаради, деб ёзди журналист Флориан Плеттенберг ўзининг ижтимоий тармоғида.

Унинг тайинланиши 27 май куни расман эълон қилинади. У шу куни шартнома имзолайди. Шартнома 2026 йилгача амал қилади.

Фликнинг сўнгги иш жойи Германия терма жамоаси бўлиб, ўтган йилнинг сентябрь ойида тарк этганди. Шунингдек, у "Бавария"ни бошқарган, у билан Чемпионлар лигаси, икки марта чемпионлик, Германия кубоги ва Суперкубоги, УЕФА Суперкубоги ва клублар ўртасидаги жаҳон чемпионатида ғолиб чиққан.